Դսա 1 ՆԵՐԱԾՈՒԹՅՈՒՆ: ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

                                ԾԱՆՈԹՈՒԹՅՈՒՆ ՀԱՄԱԿԱՐԳՉԻ ՀԵՏ

Համակարգիչը ստեղծված է տեղեկատվություն պահպանելու, մշակելու և պահանջվող տեսքով արտաբերելու համար:

Համակարգչի հիմնական սարքերն են `

• համակարգչային բլոկ
• մոնիտոր
• ստեղնաշար (keyboard):

Ցանկության դեպքում այս նվազագույն կառուցվածքը կարելի է ընդարձակել լրացուցիչ սարքերով, որոնք համակարգչային բլոկին միացնում  են հատուկ բնիկների միջոցով (իհարկե համապատասխան գործարկվող ծրագրերի ուղեկցությամբ): 

Տեղեկատվությունը համակարգչում ներկայացվում է թվային տեսքով` 2-ական համակարգում:  Տեղեկատվության նվազագույն միավորն անվանում են Bit (բիթ), որը կարող է ընդունել 0 կամ 1 արժեք:

8Bit = 1Byte: Մեկ Byte–ով կարելի է ներկայացնել ցանկացած սիմվոլ` տառ, թվանշան կամ որևէ այլ նիշ:  B-Byte

1024 B =1 KB K-Կիլո(103)  1024 KB =1 MB  M-Մեգա(106) 1024 MB =1 GB  G-Գիգա(109)

         

Համակարգչային բլոկը ունի է երեք տիպի հիշողություն:

• մշտական
• օպերատիվ
• երկարատև ( CD, ճկուն սկավառակ, կոշտ սկավառակ, ֆլեշ և այլն):

        Մշտական հիշողությունը նախատեսված է համակարգչին միացված ներքին և արտաքին սարքերի, ինչպես նաև օպերատիվ հիշողության աշխատունակության ստուգման համար և ապահովում է օպերացիոն համակարգի ճանաչումն ու նրա բեռնավորումը օպերատիվ հիշողության մեջ:

 Երկարատև հիշողության սարքերը նախատեսված են տեղեկատվության երկարաժամկետ պահպանման համար. տվյալներն այնտեղ պահպանվում են մինչև օգտագործողի կողմից դրանց փոփոխելը կամ ջնջելը:

  Օպերատիվ հիշողությունն այնպիսի հիշողություն է, որն զբաղեցվում է ժամանակի տվյալ պահին գործարկվող ծրագրերի և տվյալների կողմից: Ծրագրից դուրս գալուց կամ մեքենայի վերագործարկումից հետո վերոհիշյալ տվյալներն այնտեղ չեն պահպանվում` ի տարբերություն երկարատև հիշող սարքերի: